Transcription
1
Monseigneur, n’eut esté la crainte que javois de la tenue des estatz, je me
2
fusse acheminé avecq’ monsieur de Beloy, present porteur, pour aller devers vous et
3
vous randre compte de la creance de laquelle m’a chargé monsieur d’Ambrum,
4
laquelle est plus pondereuse que pressée, dont je me pourray aquitter
5
tout aussy tost quil vous plairra. Cependant, monseigneur, jay
6
advisé de vous envoier les lettres dudit sieur d’Ambrum et de monsieur d’Evènes
7
votre frère, que jay laissé à Paris en très bonne santé, regretant de ne povoir
8
partir pour vous venir trouver, mays le roy ne la volu pour quelque
9
affaire que sa majesté a, de laquelle elle l’en veult charger pour en estre
10
porter de par deçà, ainsy quil me la faict entandre. Ledit sieur de Beloy
11
est bien fort savant de tout ce qui se traicte à la court pour vous
12
en randre compte plus pertinemment que je ne saurois faire par ceste
13
lettre. Ce nest sans occasion, monseigneur, que je crains la
14
tenue des estatz pour avoir eu les peynes qui me sont intervenus
15
pour la conservation de lumbre seullement dune charge de laquelle
16
lassamblée generalle mavoit honoré. Je poursuys mon restablissement
17
avecq’ toutes les raisons de justice quil est possible, lesquelles
18
estant entandues, je masseure quon ne me voudra demetre
19
sans avoir forfaict ; et comme le melleur droict a besoing dayde,
20
recourant à vous mon principal support, je vous supplie très humblement
21
m’assistent de votre faveur à ce que je soys restably en ladite charge
22
en laquelle jespère vous faire autant de fidelle service comme
23
il sen peult offrir pour vous en faire de plus suffisant. Je ne
24
cederay à ceux là qu’à leur suffisance ; et masseure entierement
25
sur ce que vous avez cy devant eu cognoissance de ma fidelité
26
auant que de ma volunté et affection à votre service.
27
Monseigneur, je prie à Dieu continuellement quil vous donne en
28
très bonne santé, très heureuse et très longue vye. De Lyon,
29
le XXVI me jour de fevrier 1574.
30
31
Monseigneur, je ne vous envoye
32
la lettre que le roy vous escript
33
pour mon affaire, par ce que je la
34
balheray à celuy qui de votre part
35
assistera à la prochayne votre très humble et très affectionné serviteur
36
assamblée, auquel il vous
37
plairra den escrire demarquetz.